Wie sou ooit geraai het dat my maandelikse haarsnysessie my sou gehelp het om my trou vrou te ontmoet? Dis presies waar ons storie begin het. By die haarkapper. Daar word gesê - "Love finds you in the strangest places".

 

Oppad kar toe, na afloop van ons eerste "coffee date", sê ek vir Sue - "ek wil jou graag wéér sien." Na elke "date" wou ek haar net méér en méér sien, en sommer gou geweet, ek wil haar vir die res van my lewe sien!

 

Ons "mutual" liefde vir gesels oor interessante dinge, musiek, kuns, natuur, Gin drink, die wêreld sien, en net lekker lag het ons gou naby aan mekaar gebring. Ons het net só vinnig en perfek "geclick" en mekaar mooi gekomplimenteer. Dis iets ongelooflik.

 

Ons verhouding het op so 'n mooi natuurlike en vinnige pas gegroei en ons het gou geweet waarheen ons oppad is - om te trou! Ek het nooit gedink ek sal iemand so besonders, pragtig, slim, met so 'n mooi hart ontmoet nie. Alles wat ek nog altyd wou gehad het, alles in een persoon, so perfek vir my.

 

My liefste Sue, ek is so opgewonde vir alles wat nog voorlê in ons lewenspad voorentoe saam. Ek is so geseënd met jou in my lewe.